الريـش الضــانى من الأجــزاء المستحب اكلها فى اللحم الضـانى
وكتير مش بيحبوا ياكلوها محمرة فى السمن لانه ده بيزود دسمها
ومش كلنا عنده الشواية الفحم
دى طريقة للريش الضــانى فى الفرن
بتدى الطعم المشوى للريش ، وكمان أخف وألذ ومش بتاخد وقت
المقـاديـر :
ريش ضـانى ،
عدد 4 بصل متوسط الحجم
2 ثمرة فلفل أخضر شرائح
2 ملعقة كبيرة دقيق
2 كوب شوربة
2 ملعقة صغيرة " صلصة طماطم "
2 ملاعق كبيرة زيت جيد
ملح وفلفل وزعتر
الطـريقة :
تجهز الريش بإزالة أى جلد زائد حول العظم وتشق أطراف اللحم
تتبل الريش بالملح والفلفل والزعتر ثم تغمس فى الدقيق ويضغط عليها جيدا
يفضل ان تتركـ فى التتبيل مدة طويلة
وده بيدى اللحم طراوة وكمان طعم أحلى
تشوح الريش فى الزيت وتوضع على ورق مطبخ
لامتصاص الزيت الزائد
فى نفس الزيت يحمر البصل حتى يصبح اصفر فاتح
وتضاف شرائح الفلفل مع التقليب ثم تضاف الشوربةوعصير الطماطم
ويترك المقدار على النار 8-10 دقائق
ترص الريش فى البايركس أو صينية ويصب فوقها خليط البصل بالفلفل
يترك المقدار فى فرن حار حتى يتم النضج
الثلاثاء مايو 10, 2011 5:20 pm